Плоштадот „Крушевска Република“, кај чинарот во Охрид, ќе се уредува во атрактивен плоштад кој ќе создава импресии за посетителите на Охрид. Ќе се бара најдоброто идејно решение кое ќе ги отсликува потребите на градот, знаменитостите, традицијата, културата и се она што значи автентичност на  Охрид, открива градоначалникот Никола Бакрачески.

СВР Охрид поднесе кривична пријава против С.К.(23) и С.К.(21), двајцата од Охрид поради постоење основи на сомнение за сторено казнено дело „насилство”. 

Родители на деца од предучилишна возраст реагираат до менаџментот на детската градинка „Јасна Ристеска“, на честите промени на кадарот што работи со децата, посебно кај најмалите. Тие велат дека ваквата практика негативно делува кај нивните најмили и сметаат дека професионалниот развој на негувателките и на воспитувачките е неопходен за грижата на децата точно во првиот степен во воспитно-образовниот процес на децата.

Во Охрид ќе се гради црковен музеј каде ќе бидат сместени вредните икони од западниот дел на Македонија. Проектот веќе се изготвува, а ќе биде финансиран од МПЦ.

Во Центарот за култура „Григор Прличев“ нареднава недела ќе се прикажуваат македонските класици во соработка со Вардар филм. Веднаш после тоа гледачите ќе може да види уште две премиери на македонски филмови. Публиката полека но сигурно се враќа во кино салите.

Пештанци се жалат на неподнослива реа која се шири од неколкуте кочини за одгледување прасиња во населбата. Тоа посебно било изразено во летниот период, што за оваа позната туристичка населба давало грда слика, а тоа го забележувале и туристите кои во повеќе наврати реагирале, посебно кога во вечерните часови шетале низ пештанските долови.

Женскиот лајонс клуб Деница денес го разубави дворот на охридската гимназија Св.Климент Охридски. Тие велат дека ова е една симболична акција како да се поттикнат младите на размислување не само за естетиката туку и за значајната функција на белите рози кои го филтрираат загадениот воздух.

Деновиве се работи на поставување на нови тротоари на дел од ул „Јане Сандански“. Тоа го прават екипи на ЈП „Нискоградба – Охрид“ и „Градски Гробишта“, по налог на Секторот за комунални дејности сообраќај и улици.