Прекрасниот Охрид кој деновиве блесна како од бајка пред Новогодишните празници, магнет за бројните гости да го посетат бисерот на Балканот. Годинава хотелско угостителските капацитети за Новогодишните празници се исполнети. Во структурата на гости доминираат оние од соседните земји и Блискиот Исток, додека пак сеуште мал е интересот на домашните гости за охридската новогодишна понуда.

Во Специјалната болница за ортопедија и трауматологија “Св. Еразмо” во рамки на одделението за детска ортопедија функционира оддел , единствен од таков вид во Македонија, за рехабилитација на деца со рани пречки во развојот.

Летната тераса на поранешниот објект на пицеријата Немо иако не функционира, урбаната опрема сеуште стои. Од локалната велат дека сопственикот за оваа урбана опрема не плаќа надомест ниту има дозвола за поставување на истата.

Лектирите за основците ги нема во доволен број. На овој проблем деновиве реагираа родители кои велат дека тешко се обезбедува потребната училишна лектира. Од градската библиотека велат дека располагаат со голем фонд училишна литература. Директорите на училиштата сметаат дека проблемот може да се надмине доколку не са дава истиот наслов во повеќе класови истовремено.

Биди ѕвезда, не фрлај петарди. Под ова силно мото започна проектот „Превенција од злоупотреба на пиротехнички средства“ во кој дечињата од охридските основни училишта со пароли во рацете испратија порака до своите врсници но и до родителите.

Врвни имиња од светската кошарка заедно со локалната ќе работат на популаризација на кошарката во Охрид. Од денешната иницијална средба треба да произлезат неколку иницијативи, а како една од поатрактивните е иницијативата за повторно заживување на турнирите на отворено во градов. Според градоначалникот Никола Бакрачески, реализацијата на ваквите иницијативи и тоа како позитивно ќе делува во насока на развивање на спортскиот туризам во градов.

Во тек се градежни активности за комплетна промена на водоводната и канализационата мрежа во ОУ „Братство Единство “ – Лескајца. Со оваа активност ќе се надмине долгогодишниот проблем на губиток на водата кој го имаше оваа образовна институција.

Во езерото кај Грашница од канал истекува  нечиста вода.