Во Охрид се купувало со лажни апоени од 500 денари, и 100 долари, а во Дебар со фалсификувани банкноти од 50 евра. СВР Охрид добар дел од сторителите на ваквите кривични дела ги открил и поднел соодветни пријави, информира портпаролот на секторот Стефан Димоски.

Управата за јавни приходи потсетува дека можноста за поднесување на барање за отпис на камати за социјалните придонеси е до крајот на годината.

На Академијата за одржлив развој во УНЕСКО подрачја , што се одржува  во Торино, Италија, во кампот на ОН , беше преставен Охридскиот регион со две презентации за планот за управување со културното и природното наследство и за управувањето со Прекуграничниот биосферен резерват на УНЕСКО Охрид / Преспа.

Во рамките на „Охридско лето“, денеска и утре ќе се одржува „Подиумот на млади“ како предвесник на 61. фестивалско издание.

Македонската полиција  доби награда за најуспешно реализирана акција за сузбивање компјутерски криминал. Секторот за компјутерски криминалитет и дигитална форензика при Министерството за внатрешни работи на Република Македонија заедно со нивните колеги од Србија се добитници на првата награда за најуспешно реализирана акција за разбивање меѓународна криминална група што вршела нелегална терминација на меѓународен во национален телефонски сообраќај.

Депонијата Мауцкер може да се користи само со дозвола. Граѓаните може да фрлаат  градежен шут   само една приколка, но  со  претходна  најава и дозвола  од претпријатието. Големите количини шут од градежен материјал пак се одлагаат исклучиво на  депонијата Буково.  Од Комуналец  нема најави или планови дали наскоро градежниот шут ќе се преработува и претвора во корисен материјал.

Во Македонија недостига медицински персонал. Таков е впечатокот на сопствениците од дел на приватните медицински установи од Охрид, кои забележуваат дека од 40 пријавени медицински сестри во Агенцијата за вработување, едвај 5 од нив се јавуваат на интрвју за работа. Од Здружението на медицински сестри со став, невработените медицински сестри претендираат работа во државните медицински установи поради повисока плата.

Продолжуваат градежните зафати на пешачката патека од мостот до Горица1. Во тек е реализацијата на втората фаза. Охриѓани и туристите ќе можат да уживаат во новоизградената пешачко-велосипедска патека кон крајот на ноември.