Просечна година за пчеларите според добиените приноси мед. Има помалку мед , но со подабар квалитет. Пчеларите ќе поднесат иницијатива за полесно да ја набавуваат опремата и да се намали  ДДВ за пчеларската опрема.

Под темелите на варошките куќи во Охрид, сеуште постојат остатоци на вредни културно историски споменици кои откриваат нови цркви и локалитети од античкиот и ранохристијанскиот период. Историчарите на уметноста укажуваат дека жителите на Варош стравуваат да градат нова куќа, бидејќи под нивната градба се наоѓа значаен објект.

Здрава храна за детство без мана. Во градинката „Јасна Ристеска“ се одржа манифестација за да им се долови на децата која храна треба да ја конзумираат, која е здрава храна, а што не треба да се јаде.

Интернет плаќање на даноци со безготовинска картичка.УЈП воведе нова електронска услуга за граѓаните со што ќе заштедат време и ќе ги избегнат чекањата по шалтерите. Услугата е плаќање на покрај заштеда на време овозможува избегнување на каматите за задоцнето плаќање како и он лајн преглед на даночните долгови за персонален данок, ДДВ и радиодифузна такса.

Во седум охридски села водата забранета за употреба со решение на агенцијата за храна и ветеринарство. Причината е недостаток на хлор. Во примероците на вода од селскиот водовод во Куратица биле пронајдени и бактерии. Месните заедници проблемот го лоцираат во нерегулираниот правен статус кој го имаат, поради што не можат да преземат активности за хлорирање и следење на квалитетот на водата во селските водоводи.

На 25.12.2021 година во Струга, приведен е Н.И. (70) од Охрид, кој на улицата „Пабло Неруда” во Струга, го нарушил јавниот ред и мир со агресивен однос кон полициски службеник.

Бројот на социјални случаи се зголемува. Тоа треба да не загрижува сите и потребно е да бегаме од политика и да бидеме повеќе хумани, со цел да можеме да достигнеме некои општочовечки вредности, порачаа од Лајонс Клубот „Десарети“, Охрид, на одбележувањето на светскиот ден за борба против гладта. Клучот за излез од вакавата состојба е обезбедување на вработување и развој на индустрија,  како што нагласи Ангел Јанев, од Локалната самоуправа на Охрид.

Во пораст бројот  на охриѓани кои поднесуваат барања за еднократна парична  помош и надоместокот за помош и нега од друго лице во охридскиот Центар за социјална работа. Енормно се зголемени барањата за надоместок за помош и нега. Подносителите на барањата тешко закажуваат термин за преглед кај Регионалната  стручна комисија која одлучува за одобрување по овој основ.