Дел од охридските хотели и ресторани на црно го продаваат отпадното масло на живинарски фарми-тврдат оператори кои собираат и преработуваат ваков тип на отпад. Според нив, не само што е противзаконска ваквата постапка, туку и опасна по здравјето на граѓаните бидејќи внесувањето на вакви намирници придонесува за зголемување на појавата на канцер.

Еко хотели, кафетерии кои организираат дружења за социјално загрозените семејства, хотели кои го рециклираат отпадот и неискористената храна ја даваат на бездомниците. Младите претриемачи од Охрид и Струга презентираа дел од нивните бизнис идеи. Освен што се потрудија да креираат профитабилни бизниси, тие своите идеи ги втемелија на принципот на општествена одговорност.

Фантастични откритија во рамки на Проектот „Античка патна мрежа во Охридско – струшкиот регион“, кој беше реализиран во текот на месеците мај и јуни.

На црна темница пред нивните домови се жалат граѓани од стар град.  Досега нема улично осветлување иако пред месец и половина побарале од фондот за комунални дејност  замена на прегорените светилки. Од секторот за комунални дејности,  пак тврдат дека на нивната листа на чекање подолго време  нема такви локации. Се пофалија дека по потпишувањето на договорт со чешката фирма за одржување на јавното осветлување се работи на замена на постојните  со подобри лед  светилки.

Околу 600 муслимански семејства од Охрид  денес ќе имаат богата празнична трпеза, за големиот муслимански празник Курбан – Бајрам. И годинава традиционално, фондацијата Атлас од Охрид, ја  организираше древната традиција на ритуалот на принесување жртва за големиот празник. Курбан-бајра секогаш е дополнителен повод муслиманите да извршуваат добри дела. Традиционално се оди на посета кај роднините и најблиските пријатели, при што се даваат дарови и се донира за сиромашните.

Мала марина, но голема дискусија. Информацијата за физибилити студија за оправданост од воспоставување на договор за јавно приватно партнерство за изградба и управување со „мала марина“ на локација мало пристаниште во Охрид, предизвика лавина од реакции во градскиот совет. Реагираа опозиционерите, ама и некои од позицијата.   Сметаат дека со изградба на марина на овој простор се загрозува животната средина, се деградира просторот и се губи автентичноста на Охрид. За градионачалникот овие забелешки се само политичко поентирање и ништо повеќе.

Потпишан меморандум за соработка помеѓу охридската Локaлна самоуправа и швајцарскатa фондација  SWISSCONTACT. На овој чин беше присутен и швајцарскиот  амбасадор  Стефано Лазарото. Со  меморандумот ќе се користи швајцарска екпертиза за изработка на Стратегија за туризам на Охрид. Предвидена е и соработка на Факултетот за туризам и угостителство од Охрид со Универзитетот „Сент Гален“ од Швајцарија.

Жителите  на ул „Илија Смически“ од село Лескоец“, во лето голтаат прашина, кога врне газат во кал, поради неасфалтираната улица која веќе една година се реконструира. Трпението кај мештаните попушта, а надлежните ветуваат дека набрзо проблемот целосно ќе биде надминат.