Детското  паркче кај каналот Студенчишта ќе се проширува.

Непозната течност формира маслена дамка во Охридското Езеро на градскиот кеј на потегот пред Ројал вју кон Милениум. Екологистите бараат расветлување на случајот и да се отстранат пловните објекти кои го загадуваат езерото.

Позитивните искуства да се применуваат, но само доколку одговараат на образовните потреби на државата. Ова меѓу другото беше истакнато на балканскиот конгрес за образование и наука кој се одржува во Охрид.

Охриѓани ќе почекаат уште малку за да започне изградбата на затворениот зелен пазар. Иако од Локалната најавија дека ќе се гради од 1ви септември, на терен сеуште нема ништо. Се чека на одобрението за градба кое треба да го потпише Министерството за транспорт и врски.

За прв пат Здружението на професионални физиотерапевти од РМ од 17 – 20 септември во Охрид одржуваат Конгрес. Учесниците ќе имаат можност да се запознаат со многу нови достигнувања во рехабилитацијата, неврофизиотерапијата, хипорехабилитација и многу други области, кои се од интерес за физикалната медицина.

Ги браниме интересите на Алијансата иако не сме дел од неа. Одамна ги исполнивме стандардите и критериумите, а сепак останавме блокирани. Време е и Алијансата да ги брани своите интереси со тоа што ќе ни го дадат одамна заслуженото место, истакна претседателот на РМ Горѓе Иванов на 19 Конференција на началниците на генералштабови на армиите од земјите членки на САД-Јадранската повелба, што денес се одржува во Охрид.

По шестовалентната вакцина денес започна и примената на петовалентната вакцина. Оваа вакцина е наменета за децата кај кои имунизацијата е веќе започната. Од поливалентните вакцини бенефит имаат децата, родителите, а и здравствените установи, велат здравствените лица.

ОМУ „Методи Патче“ доби нов директор. По истекувањето на мандатот на досегашната директорка Нина Момировска бил распишан конкурс на кој се пријавиле двајца кндидати. Градоначалникот Никола Бакрачески пресекол кој ќе ја води оваа образовна институција во наредните четири години.