Започна остранувањето на платформите на плажата Потпеш во Охрид. Концесионерите доброволно отстрануваа се што е до езеро, но бараат законите на државата да важат подеднакво за сите. Како во Струга, така и концесионерите во Охрид да најдат законска рамка и да продолжат да работат.

Свлечиште се појави во непосредна близина на ОУ „Св Климент Охридски“.

Иднината на албанското село Москополе е во развој на фамилијарниот туризам, раскажа за ТВМ Али Маноку, успешен сопственик на викендички и угостителски објект. Тој со средства што ги заработил во Америка сопствената куќа ја адаптирал во викендичка и пречекува гости кои ги служи со традиционални специјалитети од тоа поднебје.

Советниците од опозционите партии во Советото на Општина Охрид, како СДСМ, Вмро – НП,  ЛДП и НСДП, поднесоа барања до градоначалникот Никола Бакрачески како и до  претседателот на советот на општина Охрид,  Гордана Коњаноска, на дневниот ред на седницата која што треба да се одржи на 13- ти март да бидат поставени уште една точка Разгледување на одлуките кои се однесуваат на Плаошник и Студенчишкото блато.

Здравствениот дом во Охрид доби нов ВД  директор по три недели без прв човек на оваа здравствена институција. Од поранешниот директор кој е во бегство, ни трага ни глас.

За само една недела од март грипот „легнал“  311 охриѓани.

Тимот што победува не се менува. Ѓорги Трпчески ќе го минува својот втор мандат како претседател на извршниот одбор на Здружението на пензионери од Охрид и Дебрца. За нов претседател на Собранието на охридските пензионери е избран Димитар Спасески, а Стефан Владимиров останува и во наредните четири години секретар на Здружението.

Хортикутурно ќе се уредува потегот покрај пешачката патека од каналот Студенчишта до Рача. Оваа година ќе бидат засадени 103 садници, автохтони видови дрва на околу 1500 метри квадратни.