Од јавното претпријатие „Градски пазар“ велат дека планот за дислокација е изработен и дека при преместувањето на тезгите, пазарџиите нема да имаат прекин во работењето. Во игра се неколку локации на територијата на општина Охрид.

Половичен интересот за за бесплатните обуки за шивачи, заварувачи, машинисти и готвачи на локалната самоуправа. Од Секторот за ТЛЕР причините ги гледаат во започнувањето на летните одмори. Најавуваат повторување на огласот на почетокот од септември како би се пополниле предвидените 20 места за обука на невработени лица од градов.

Наставниците се обучуваат како материјата да ја предаваат по оваа програма. Велат дека ќе има многу новини а и дека се потребни многу нагледни средства со кои треба да се решаваат задачите, а кои училиштата ги немаат. Допрва треба да се создаваат услови за ваква настава, а учебнаѕта година е на прагот.

Пештани и Велгошти имаат потреба од  гробни места.

Вангел Јолакоски од Дебрца, седум години чека исплата за одземеното земјиште од страна на државата при изградбата на автопатот Охрид-Кичево. Случајот се води во Управниот суд, кој три пати донел пресуда во полза на оштетениот, но Второстепената комисија ја поништува одлуката. Јолакоски најавува протести и блокади.

Фестивалот Охридско лето го затвaрa  претставата  „Figurae veneris historiae“.

50 години, основно музичко училиште „Методи Патче“. Неговото формирање, раст и развој ставени на страниците на монографијата која денес беше промовирана. На денешниот настан присуствуваа професори во пензија, ученици кои постигнале забележителни резултати како и преставници од Локалната самоуправа.

Огласот за избор на фирма која ќе го реконструира кејот Македонија чека зелено светло од Советот за јавни набавки. Идејното решение и главниот проект се готови. Јавноста немаше можност да види како е замислен новиот лик на кејот но според зборовите на првиот човек на градот со охридскиот кеј нема место за експериментирање и мора да ги задоволува стандардите како и да не го нарушува еко системот на езерото.