Ова како и инфраструктурното поврзување помеѓу земјите од регионот беа дел од темите на кои денес разговараа министрите за надворешни работи во рамки на Централно Европската Иницијатива.

Им се продолжи работното време на угостителските објекти. За време на туристичката сезона ќе работат со продолжување од еден до два часа. Со ова одлука на некого му се раздени, а на некого му се стемни. Сопствениците на локалите задоволни, но граѓаните загрижени. Велат дека на овој начин се зголемува можноста за прекумерна бучавост во градов.

Денеска започнуваат Петровденските пости кои ќе траат до големиот христијански празник Петровден, кој се одбележува на 12-ти јули.

Безброј убави моменти, сеќавања, некогаш и денес. Сеуште млади во духот иако во средните години од животот, велат матурантите од генерација 1990 година, кои синоќа го одбележаа својот 25 годишен јубилеј. Организаторите пак, кажаа дека важна е дружбата, а годишнините од матурите се ретка ако не и единствена можност да се сретнат некогашните соученици од трите средни училишта економско, гимнација и ЕМУЦ, кои животот ги однел на разни страни.

Уште 100 лица ќе ги искористат буџетските средства на општина Охрид за субвенционирање трошоци за комунални давачки во висина од 600 денари. Охридските советници главно ја подржаа оваа одлука, но одредени советници имаа и забелешки.

Граѓаните кои имаа некаква идеја, проект или предлог денес можеа да ги напишат и да ги достават до службите во Локалната Самоуправа и Јавните претпријатија.

Туристичките работници денес на работен појадок со  градоначалникот Бакрачески. Тие дискутираа околу состојбите во туризмот во Охрид, но и непосредните ефекти на заложбите на локалната самоуправа, министерствата за надворешни работи и конзуларните претставништва за надминување на ситуацијата со откажување на туристичките аранжмани.

По повод манастирската слава на манастирот „Свети Еразмо Охридски“, Дебарско-кичевската епархија ги известува своите православни верници дека вечерта на 14 јуни 2015 година (недела), во манастирот „Свети Еразмо Охридски“, Охрид, ќе се служи празнична вечерна богослужба, по повод празникот „Свети Еразмо Охридски“, со почеток во 19.00 часот, на која ќе чиноначалствува Неговото Високопреосвештенство митрополитот Дебарско-кичевски г. Тимотеј.