Моето творештво на овие височини, на овој божествен предел меѓу две неба, е недоискажана. За неа треба сеуште да се пишува, твори и импресиите да се споделат со со публиката на манифестацијата „Поетска ноќ во Велество“ . Овие зборови синоќа ги кажа лауреатот Веле Смилески, на кого беше посветено годинешново издание на манифестацијата.

Се прават последните подготовки за почнување на новата учебна година. Основните училишта во градов интензивно работат на подобрување на условите за одвивање настава. Средствата од буџетот на општината делумно ги задоволиле потребите за санација на училиштата, а делумно зафатите се направиле од спонзорства.

Сликарот од Канада, Мајкл Клосе личната архива ја предаде на охридскиот архив.

Во Центарот за социјална работа дневно пристигнуваат најмалку по две пријави за насилство. Насилството има  во браковите  и со подолг  и со пократок брачен стаж. Социјалните работници велат дека овој социјален феномен се должи на намалената толеранција предизивикана од пандемијата. 

Управување со гробните површини во селата во  општина Дебрца е нова дејност која ќе се воведува во рамки на ЈП за комунални дејности Градоначалникот  Игор Трајкоски ја прибира потребната документација. Досега немале законска можност за тоа, но со иземените на Законот за гробишта и погребални услуги, им се нуди таква можност.

Неисправни ПП апарати, уништени хидранти, нефункционални панични светла, натрупани ходници претворени во остави, немање пожарен куќен ред и упатства за евакуација на граѓаните кои живеат во зградата, се само дел од проблемите поради кои затајува заштитата од пожари во станбените згради. Состојбата на терен и со одржувањето на противпожарната опрема и со одговорноста и улогата на управителите и заедниците на станари е поразителна, велат надлежните.

Поезијата е едниствен чувар на јазикот, посебно во денешно време кога интеретот надвладува над се. Тоа треба да се негува, а манифестацијата Поетска ноќ во Велестово е одлична можност да се слушне најдоброто од поезијата. Ова го истакна организаторот на оваа манифестација проф. Славе Ѓорѓо Димовски на само ден пред нејзното одржување.

Кучиња скитници заедно со туристите се шетаат низ центарот на градот. Граѓаните реагираат дека ова не доликува за туристички центр како што е Охрид. Бараат конечно да се најде решение за овој долгогодишен проблем.