Поради постоење основи на сомнение за сторени две казнени дела „Тешка кражба“, полициската станица од Дебар поднесе кривична пријава против С.М. (27) од Центар Жупа. Него одредена му е мерка притвор во траење од осум дена.

Овој петок 27-ми март, на Светски Ден на Театарот во 12:00 – 12:45 Народниот театар од Охрид ќе ја претстави работатата на  Детско Драмско Студио.

Дебарско-кичевската епархија ги известува своите православни верници дека на 29 март 2015 година (недела), во црквата „Свети Никола“ – Геракомија, Охрид, ќе се служи света архиерејска литургија, по повод Петата недела од Велигденскиот пост посветена на „Света Марија Египетска“, со почеток во 9.00 часот, на која ќе чиноначалствува Неговото Високопреосвештенство, Митрополитот Дебарско-кичевски г. Тимотеј.

Во ОУ „Григор Прличев“ – Охрид во организација на Гете-Институт Скопје ќе се одржи работилница на германски јазиик на тема „Нови медиуми, подвижност и уметност“ раководена од референтот, уметник и педагог, Карстен Гале од Германија.

Во голема сала на Општина  Охрид ќе се одржи финалниот натпревар на „Ораторските средби“ кои општина Охрид ги реализира по повод 155 годишнината од наградувањето на поемата „Сердарот” од Григор Прличев.

Денес градоначалникот на Охрид обелодени дека Дневниот Центар „Зраци“, доби грант од Австралиската амбасада во висина од 7 500 австралиски долари. Зоран Костојчиноски, дефектолог во Центарот, рече дека благодарение на поддршката од Локалната самоуправа и градоначалникот Никола Бакрачески, Центарот е во вистинска насока за одржување на континуитет во работата.

ЈП „Водовод“ ја поправа водоводната мрежа во Охрид, но зад себе остава раскопани улици, се жалат охриѓани. Фирмата избрана на тендер за репарирање на улиците е од Мала Речица и доцни со извршување на работните задачи. Граѓаните се жалат, пријавуваат раскопани улици на повеќе локации во градот, а од ЈП Водовод велат доколку фирмата продолжи со несовесно извршување на работните обврски ќе и биде раскинат договорот.

Каде ќе се дислоцира градскиот пазар кога ќе отпочнат градежните работи на современиот затворен пазар. Ова прашање го поставуваат пазарџиите, но од Локалната сеуште немаат одговор. Закупците на тезги во пазарот бараат подобрување на безбедоносните услови на пазарот без разлика каде ќе биде сместен.