Подводната елка во Охридско Езеро денес традиционално по 13 пат ја накитија членовите на нуркачкиот центар „Амфора“. Таа е поставена во Миќов Град, во Градиште, на длабочина од три метри.

Подобро разбирање на овластувањата на полицијата и правата на новинарите да информираат во интерес на јавноста и практични насоки и искуства, се дел од првото дело на Стефан Димоски, новинар и актуелен портпарол на СВР Охрид.

Сето ова можеа да го видат основците од охридските училишта на отворениот ден во Електромашинскиот училишен центар „Свети Наум Охридски“. Ова, и многу други активности се дел од програмата на ова средно општинско училиште за одбележување на нивниот патронен празник.

Екипите на ЈП “Охридски Комуналец” рано утринава извршија вонредно чистење и подигнување на кабаст отпад кој несовесни граѓани го исфрлиле на несоодветни локации во селото Пештани.

Оваа зима нема да има лизгалиште на градскиот плоштад бидејќи по огласот што го  објави Локалната не се јавија заимнтересирани страни. Сепак градскиот плоштад кој е убаво украсен е привлечно место за најмладите и за повозрасните. Секој ден има богата културно-уметничка програма која дел од предновогодишната забава.

Охрид за новогодишните празници ќе биде полн. Гости од Србија, Црна Гора, Бугарија и Грција токму во нашиов град ќе ја испратат старата, а ќе ја дочекаат новата година. Хотелиерите задоволни од исполнетоста на нивните капацитети.

Oхридското даночно одделение на Управата за јавни приходи од 1-ви јануари 2015-та година,  ќе работи со продолжено работно време до 18 часот во работните денови и до 14 часот во сабота.

Директорот на Дирекцијата за технолошко-индустриски развојни зони, Виктор Мизо вели дека инвестициите на двете германски компании ОДВ електрик и Костал е само доказ дека потенцијалот на овие објекти е голем.