Граѓаните кои во Годишната даночна пресметка имаат долг од 1 денар не треба да се грижат ниту да го плаќаат.

Познати музички имиња од Охрид и од македонската сцена,ќе ги забавуваат  охриѓани во Центарот за култура „Григор Прличев“. Целта е да се соберат што повеќе средства за помош на жителите од поплавените подрачја во земјава.

Во фаза на изработка е измена и дополна на генералениот урбанистички план за Охрид. Во рамките на овој процес денес се одржа јавен увид и јавна расправа по извештајот за стратегиска оценка на влијанието на животната средина. Освен дел од експертската јавност од Охрид, охриѓани не покажаа интерес за јавно учество и искажување на своите мислења.

Рано е да се зборува за откуп или закуп на социјалните станови во Охрид. Министерството за една година ќе даде насока како ќе се решава правото на користење на становите.

Ова беше еден од заклучоците на денешниот седми по ред состанок на градските татковци.

Од државниот завод за статистика нема комплетни податоци како помина туристичката сезона. Моментално оценките за тоа какво лето имавме во поглед на гостите кои го посетија Охрид се темелат на податоците од општинскиот инспекторат.

Денес во просториите на општина Охрид ќе се одржи седница на Советот на градски татковци.

Пчелари од Охридско и Дебрца алармираат за помор на пчели. Се сомневаат дека штетите настанале поради несовесно користење пестициди. Секоја година, се случуваат труења на пчелите поради хемиски препарати и неправилни, не едуцирани прскања против болести и штетници во земјоделството. Оваа година ќе има намалени приноси на мед, но ако се земе предвид дека 80 % од опрашувањето на растенијата го врши пчелата, со нејзино труење директно се влијае врз намалување на приносите во земјоделието.