Шест нови лица вработени во Охридскиот народен театар. По двајца актери, режисери и драматурзи ќе се придодадат на постоечката екипа на театарот кој на крајот од месецов започнува со репертоарот за 2015та година. Најавуваат три театарски премиери, детска претстава и младинско театарско студио.

Во Куќата на Робевци ќе биде претставена и реконципирана поставка посветена на животот на ова старо охридско семејство. Проектот ќе се реализира со поддршка на Министерството за култура и со донација од турската агенција за поддршка на културното наследство „Тика“.

По седумнаесетти пат оваа година на големиот верски празник св. Василиј  село Куратица е подготвено да ги пречека сите гости.

Мал број охриѓани уживаат во масажите и терапиите од алтернативната медицина за рехабилитација. Нив повеќе ги практикуваат странските гости кои доаѓаат во нашиот град. Сите методи и препарати од алтернативната медицина за лекување и рехабилитација ќе добијат законска рамка. Нивните практиканти ќе треба да имаат медицинско образование и лиценца што ќе ја издава посебна комора.

Охрид ќе го посетат 30 000 гости за богојавленските празници. Од нив голем дел ќе бидат од соседните земји. Програмата веќе е подготвена, а славењето започнува од 16ти јануари и ќе трае до 20ти.

Во општина Дебрца ќе се решава проблемот со отпадните води во селата Велмеј и Лешани. Градоначалникот Игор Трајкоски рече дека тоа ќе се реализира со грантот неповратни средства  за инфраструктурни проект во висина од 260 000 евра обезбедени од Министерството за финансии прку ИПА програмата, како и со дел од средства од Светска банка.

И оваа недела ви предлагаме осум интересни наслови кои веќе се обработени и достапни за позајмување во НУ Библиотека „Григор Прличев“ во Охрид.

Приведен  24 годишен охриѓанец за сексуална злоупотреба на малолетник.