Продолжува санацијата на дефектот на водоводната мрежа во Охрид. Станува збор за голм дефект на крак на главниот доводен цевковод, велат од ЈП Водовод и во овој момент не може со сигурност да се каже колку време ќе траат зафатите. До завршување на санацијата на сила ќе биде посебен режим во сообраќај на булеварите „Туристичка” и „Асном”.

Да не се создава паника кај граѓаните во однос на водата од градскиот водовод во Охрид, Апелираат од Центарот за Јавно здравје. Заматување на водата е очекувано по голем дефект на водоводната мрежа како оној кој настана синоќа на Туристичка. Испитувањата на примероците земени утринава покажауваат дека параметарот матност не отстапува од законски дозволената вредност.  Во петок ќе бидат готови и проширените анализи, но бидејќи во водата е присутно  дозволено количество на хлор, не се очекува да има микробиолошка загаденост на водата.

Од СВР апелираат до учесниците во сообраќајот, да бидат внимателни, да ја почитуваат поставената хоризонтална и вертикална сообраќајна сигнализација како и насоките на полициските службеници.

Заматена водата во градскиот водовод во Охрид поради настанатиот дефект кај бензинската пумпа кај Билјанини Извори.

Ова не е прв пат да се исклучи од напојување водоснабдителниот систем во општината. Истото се случи и во месец ноември и предходно во мај минатата година.  

Екипи на ЈП ВОДОВОД Охрид се излезени на терен и додека дозволуваат временските услови ќе се работи и во текот на ноќта, во спротивно со работа ќе се продолжи во раните утрински часови.

Петтата форумска сесија ќе се одржи на 24.01.2024 (среда) со почеток во 12:00 часот, во салата на Советот на Општина Дебрца с. Белчишта.

Најновиот труд на Пандев и Ѓорѓо Димоски „Охридски Поети“ е дел од едицијата „Охридско книжевно наследство“ што ја издаде  Општина Охрид, а одговорен уредник е Митре Велјаноски.