Утре, со почеток во 11.30 часот ќе се одржи 29-та седница на советот на општина Охрид.

Дебарско кичевската епархија ги известува своите православни верници дека утре, 30ти септември, во катедралниот храм св.Софија, ќе се служи света архиерејска литургија, по повод празникот на светите маченички Софија, Вера, Нада и Љубов, со почеток во 9 часот. На неа ќе чиноначалствува неговото Високопреосвештенство митрополитот Дебарско кичевски г.Тимотеј.

Деновиве се спроведуваат работни активности за уредување на тротоарот на улица „АСНОМ“ од крстосницата со булевар „Туристичка“ до пресекот со улица „Кеј Македонија“.

Одржувањето на оџаците треба да биде три пати годишно, на почетокот, на средината и на крајот на грејната сезона, советуваат од Територијалната Противпожарна единица Охрид. Од таму укажуваат дека најопасно е да се врши палење на оџакот, бидејќи може пламенот да се поврати во соба и да настане голем пожар.

После пауза од една година поради технички проблеми, директорот Горан Стојаноски, најавува збогатување на репертоарот, копродукции и гостувања на театри од Македонија.

Со групните советувања биле опфатени околу шеесетина здравствени работници од најразлични профили, а во тек се и советувањата со кои се опфаќаат граѓаните на Охрид. Загрижува податокот дека сите граѓани кои пристапиле во Советувалиштето, тоа го сториле поради здравствени проблеми.

Четири доктори од болницата „Св Еразмо“ одат на специјализација во реномирана клиника во Љубљана. Станува збор за специјализација на двајца ортопеди, еден анестезиолог и еден трауматолог. Тие се дел од листата од 21 доктор за кои државата 100% ги плаќа трошоците за 5 годишна пракса и доедукација.

Станоиздавачите денес протестираа пред општинската зграда изреволтирани од предлог измените на Законот за угостителска дејност кои ги предложи ХОТАМ, а со кои не им се дозволува да издаваат станови, соби или апартмани во колективни стамбени згради. На протестот не се најде ниту еден кој ќе излезе пред камера и јавно ќе каже што го мачи. Тие одкога остварија средба со Раководителот на ТЛЕР кој им кажа дека во целост ги подржуваат се разотидоа.