Поради дефект на водоводната мрежа кој се случил вчера, жителите на Елешец и Пештани се без вода за пиење. Екипи на „Водовод“ Охрид се на терен и работат на отстранување на дефектот.

Градските советници ги усвоија финансиските извештаи на ЈП за првиот квартал, а поминаа и одлуките за усвојување на годишните планови за вработување во три ЈП. Едногласно беше усвоена предлог одлука за начинот и постапката на регулирање на паркирање во рамките на градежните парцели. Советниците не дадоа согласност за обезбедување финансиски средства за функционирање на планинската спасителна служба.

Поради постоење основи на сомнение за сторено казнено дело „ Неовластено производство и пуштање во промет на опојни дроги, психотропни сустанци и прекурсори“ СВР Охрид поднесе кривична пријава против 39 годишен жител на Охрид.

Многу од главните ризик фактори за мозочен удар се случуваат почесто кај жените. 80% од мозочните удари можат да се превенираат, доколку навреме се откријат ризик факторите, велат од охридското здружение „Мозочен удар“. Од таму порачуваат, дека со промена на животниот стил, односно со примена на здрава исхрана, физичка активност и намалување на стресот, се намалуваат и ризик факторите од мозочен удар.

Пензионерите од Дебрца формираа посебно здружение.

Поставувањето на двојазичните табли на македонски и албански јазик пред канцалариите на ПЕ на ПИОМ во Охрид, за локланите партии од опозицискиот блок се флагрантно кршење на законските одредби од Законот за употреба на јазици, додека пак владеачката партија без прецизен став во врска со ова прашање.

Сите Авто школи во државава до 2017та ќе треба да вградат камери во училниците и во возилата со што ќе се снимаат теоретските и практичните часови.  Ова  е предвидено со новиот предлог Закон за  безбедност во сообраќајот на патиштата. Здружението на авто школи, возачи и инструктори на РМ не ги прифаќа ваквите новини.

25ти октомври, европскиот ден на граѓанските права одбележан во Основниот суд во Охрид. Охридскиот суд денес ширум ги отвори вратите за граѓаните.  Претседателот Милчо Клишески задоволен како истиот функционира нагласува дека се повеќе се трудат да бидат транспарентни и отворени за граѓаните.