Во шпицот на туристичката сезона Трпејца е полупразна. Временските услови не им се погодија на домаќините, но доколку оваа туристичка населба очекува повторно враќање на домашните туристи, недостига комплетна туристичка понуда сметаат станоиздавачите и жителите од Трпејца.

Најавено па одложено  рушењето на „Мостот на желбите“.

Никола Бакрачески, градоначалникот на Охрид, во посета на Трпејца. Таму оствари средба со мештаните, ги слушна нивните проблеми и рече дека ќе се заложи за нивно надминување. Дислокација на една од трафостаниците, слаб притисок на водата, немање паркинг простор, изградба на пречистителна станица се само дел од проблемите кои ги тиштат мештаните на оваа преубава туристичка населба.

Надлежните служби на општина Охрид упатуваат апел до сите охриѓани кои имаат хаварисани возила паркирани на јавните површини истите да ги отстранат во најкраток временски период. Во спротивно тие ќе бидат отстранети со пајак служба , на трошок на сопствениците.

Охридскиот  Сонк стапи во солидарен штрајк со глад.

Појавата на смртоносната бактерија листерија ги испаничи граѓаните.  Од Центарот за Јавно здравје од Охрид велат дека редовно го контролираат квалитетот на храната.  Агенцијата за храна пак, почнува со вонредни контроли во сите поголеми производствени погони за храна и магацини за чување и дистрибуција на храна, од каде ќе се земат примероци за анализа поради појавата на оваа бактерија.

Драмскиот театар од Скопје со премиерна изведба на претставата „Ждрело“ на Охридско лето. Претставата која зборува за порокот на потрошувачката психологија е работена според текстот на македонската авторка, Жанина Мирчевска, а се изведува под режисерската палка на Зоја Бузалковска.

Американци со  македонско потекло во посета на своите корени.