Охридското комунално претпријатие забрзано работи на уредување зелени катчиња низ градот во пресрет на пролетната сезона. Денеска екипи од јавното претпријатие го уредуваа дворот во Основното улиште „Св. Климент Охридски“. Учениците ветија дека ќе се грижат за одржување на зеленилото.

Од ОК на ВМРО ДПМНЕ на денешната пресс конференција истакнаа дека Охрид со нивниот Градоначалник доживеал преродба . Набројаа повеќе инфраструктурни зафати со кои се подобрило живеењето на граѓаните.

Денот на албанската просвета и албанскиот учител одбележан со свечена програма подготвена од учениците на  основното училиште „Братство единство“. Директорот на училиштето вели дека сите овие години се вложувале напори да се издигне професијата на албанскиот учител на едно повисоко ниво и во тоа се успеало, но додава дека сеуште има простор за работа на оваа тема.

Женскиот дел од екипата на Велосипедскиот клуб „Екодром“ утре, организира „Осмомартовска велосипедска тура“.

Претставата со која приватниот битолски театар „Солза и Смеа“ го прославија своето полнолетство-Златна Бубашваба , овој петок во 20:00 часот во НУЦК „Григор Прличев“.

Силувано 14 годишно момче во Дебар. Против 62 годишен дебарчанец, Полициската станица од Дебар поднесе  кривична пријава за сторено казнено дело „Силување“ и одредена му е мерка притвор во траење од 30 дена по што е спроведен во казнено-поправна установа во Скопје.

Здружението за мултикултурна интеграција, “Инклузија” и доц. Д-р Никола Митровиќ, раководител на подрачната единица на историскиот архив на Република Северна Македонија – Охрид, организираа двочасовна виртуелна “прошетка” низ најзначајните културно – историски споменици и обележја на етничките заедници кои егзистираат на територијата на нашиот град.

Од „ЕВН Македонија“, информираат дека денеска, 7-ми февруари, ќе има прекин во снабдувањето со електрична енергија во повеќе охридски населби како и во дел од селото Лескоец.