Од сабота времето ќе биде стабилно со ниски утрински температури, а дневните ќе бидат во пораст.

Црвен крст Охрид се приклучува на глобалната кампања на Обединетите нации за одбележување на 1-ви Октомври, Меѓународниот ден на стари лица. Под мотото „Застапување за здраво и инклузивно стареење“ групата волонтери од програмата за грижа за стари лица „НАЈДИ ВРЕМЕ“ ќе спроведат низа активности. Денеска на прес конференција од Црвен крст посочија дека е потребно поголемо вклучување на старите лица над 65 годишна возраст во општествените текови, искористување на нивните капацитети, но истовремено нивна поддршка за поквалитетен живот и обезбедување на Дом за стари лица во Охрид.

Пешачката патека од Мостот до Горица прва, омиленото место за прошетки и рекреација на охриѓани и гостите е оштетена и запуштена и неопходна е нејзина реконструкција, беше кажано на денешната прес конференција на кандидатите за советници од СДСМ и колаицијата за претстојните локални избори. Јован Крлев го најави нивниот проект за уредување на патеката и нејзино претворање во функционална зона.

Клубот на млади при Црвен крст Охрид започнува со одбележување на Неделата на млади која се одбележува од 1 до 7 октомври.

Температурите во Охрид денес ќе бидат во интервал од 9 до 18 степени Целзиусови.

Православен календар: Спомен на Свети Евмениј, епископ Гортински на Крит.

Од утре па до крајот на март 2026 год ќе важи вонсезонската пониска цена за час паркинг на јавните паркинг простори со кои стопанисува ЈП Билјанини извори.

СДСМ и Коалицијата ја претстави советничката листа за претстојните локални избори во Охрид. Тоа е тим составен од професионалци од разни области со искуство, знаење и визија за иднината на нашата општина, рече носителот на листата Јане Тодороски на денешната прес конференција.