Општинската организација на Црвен крст Охрид денеска ќе ја организира редовната крводарителска акција во соработка со ОЕМУЦ „Св. Наум Охридски“.

Одложен пролетениот семестар на студентите на ФТУ Охрид. Причина за тоа е дефект на системот за парно греење. Деканот на ФТУ проф. Сашо Коруноски смирува, вели дека интензивно работат на отстранување на дефектот и веќе од петок 14 февруари продолжуваат редовните активности на факултетот.

Отворен час за сите ученици, родители и посетители. Ваков час за прв пат се одржа по повод патрониот празник во училиштето „Григор Прличев“. Ќе се настојува ваквите отворени часови во иднина да станат пракса, велат вработените во ова училиште.

Во брошурата  „Инвестирајте во Охрид„  можат да се воочат голем број недостатоци пред се од технички карактер како и нелекторирани делови. Од ТЛЕР велат кој работи тој и греши

Проблемот со недостиг на одделенски наставник во подрачното училиште “Григор Прличев“ во село Рача е надминат и решен согласно сите законски прописи и норми.

Според директорот на Агенцијата за катастар на недвижности,  Славче Трпески, дигитализацијата ќе придонесе за скратување на рокот за запишување на правата на недвижностите, ќе овозможи издавање копија од катастарски планови на шалтер исто како имотни листови, како и дефинирање на стандарди за изготвување на дигитални геодетски елаборати, олеснет пристап до дигиталните катастарски планови на ниво на целата држава.

ОУ “Григор Прличев” со низа активности, меѓу кои и синоќешната свечена приредба, го одбележа патрониот празник во слава на преродбеникот и поетот од крајот на 19-ти век Григор Прличев.

Се модернизира Специјалната болница за нефрологија Струга. Болницата е опремена со нов дигитален рентген апарат и апарат за молекуларна дијагностика за брзо дијагностицирање на вирусни и бактериски заболувања. Годинава  болницата  ќе започне  со правење на бубрежни биопсии.   Единствениот предизвик  им е   воведување трансплантација.