Зградата на општина Охрид, синоќа блесна во боите на ретките болести како дел од кампањата „ Ги запознаваме ретките болести 2021“ со која се дава поддршка на лицата кои боледуваат од ретки болести. Со ова општината и градот Охрид се приклучуваат кон глобалниот повик на „Еурордис“ за осветлување на локални и национални згради и споменици. Во февруари којшто е месец со најмалку денови во годината се запознаваме со нови 28 ретки дијагнози преку аудио,видео и текстуална форма со цел да се запознаеме со предизвиците со кои се соочува оваа категорија луѓе.

Стружани се поклонија пред моштите на нивниот заштитник, славниот Великомаченик Георгиј Победоносец. Пред многубројниот народ кој пристигна од сите краишта на државава по четврти пат се одржа празничната ордија во спомен на овој светец. Настанот беше збогатен со носење на моштите на св.Георгиј од дебарскиот манастир Рајчица.

Мал дефект, им отвори голем проблем на службите на МЈП „Проаква“. На ул. „Карпош Војвода три дена непрекинато се прелива чиста вода од две шахти. Од ЈП запознати се со проблемот и најавија дека деновиве ќе преземат мерки за санирање на дефектот.

Архивските материјали од Детска болница од Охрид лежат по подовите, расфрлани насекаде низ некогашните простории на оваа установа. Местото им е во Државниот Архив на Р. Македонија, но досега надлежните не ја спровеле постапката за нивно соодветно депонирање.

Вработените во ЈП „Билјанини извори“ утрово одржаа предупредувачки протест.

Општина Охрид ќе го поддржи проектот „Младите-креатори на нашата иднина“ кој ќе го реализира Здружението на децата бегалци и нивните потомци од Егејскиот дел на Македонија „Т’га за југ“ од Скопје.

Со реализацијата на овие проекти универзитетот ја искажува својата општествена одговорност, а Црвениот крст пак добива партнер во реализацијата на нивните проекти.

Православните христијани го слават свети великомаченик Ѓеорѓиј Победоносец, додека ромите муслимани го слават Херделези.