Термалните камери ќе помогнат за побрзо лоцирање на извори на пожар, а изолационите апарати ќе обезбедат сигурност при работењето во задимени и токсични средини.

Денеска советниците и советничките во Советот на Општина Охрид ги обоија дланките во разни бои во знак на поддршка и подигнување на јавната свест за проблемите со кои се соочуваат пациентите со ретки болести.

Дневниот ред на денешната седница беше надополнет со измени на програми и алокација на буџетски средства со цел набавка на полуподземни контејнери со кои ќе се решава проблемот со управување со отпадот на неколку локации во градот.

Мнозинството во градскиот совет на денешната седница изгласа измени на Планот за вработување во општина Охрид за 2025година кои предвидуваат 8 унапредувања и 13 нови вработувања. Опозицијата обвини дека власта не е сериозна во однос на намалување на превработеноста во општинската администрација. Од локалната власт пак тврдат дека на крај на мандатот бројот на вработени ќе биде ист како тој што го затекнале. Вработувањата во општинската администрација како секогаш и на денешната седница беа причина за жестока дискусија и политички препукувања од советничката говорница.

Иако беше некнижевен, им беше советник и учител на најучените луѓе на неговото време, каков што беше свети Атанасиј Велики. Кога некои елински философи го искушуваа со книжевна мудрост, Антониј ги засрами со прашањето: „Што е постаро: разумот или книгата? И кое од тие двете е причина за другото?“

Денес температурите во Охрид во интервал од 6 до 10 степени Целзиусови.

Познатиот професор по виолина Методија Бараковски – Менде и долгогодишен раководител на КУД „Ѓердан“ и хорот „Распеано ѓерданче“, почина минатата седмица во 82-та година од животот. Бараковски беше еден од најистакнатите дејци од културниот и музичкиот живот во Охрид кој целиот свој работен век го посвети на најмладите таленти во Охрид.

Проектот доби поддршка од Агенцијата за промоција на туризмот како настан од светски ранг преку кој ќе бидат презентирани македонските културни знаменитости, традиционалната храна и вина.