По извршени консултации со Заводот за заштита на културно наследство, Министерството за животна средина и УНЕСКО, започнува реконструкцијата на Сидриштето во Охрид. Работите требаше да започнат уште во ноември минатата година , но Министерството за одбрана добило забелешки од невладина организација за влијанието на реконструкцијата врз животната средина.

Увид на лице место во угостителскиот објект извршил Јавен обвинител од Основното јавно обвинителство од Охрид.

Традицијата продолжува. 50 туристки од Хрватска денес се закитија со охридски бисери. Семејството Филеви по повод празникот на жената со пригодни подароци го промовира Охрид.

Охриѓанки се помалку го празнуваат денот на жената со ресторански забави. Во туристички центар-Охрид за овој празникнема да изостанат и годинава гостинките од земјите од соседството.  Хотелите се солидно исполнети. Туристичките агенции извисија. Голем број охриѓанки поради проблемите со издавањето  патни исправи ги откажале патувањата за 8-ми март.

Од болницата изразија благодарност за донацијата за која истакнаа дека е значајна бидејќи околу 3.000 квадрати од кровната конструкција не се реновирани од самото поставување на павилјонскиот дел од болницата.

Увид вршат Јавен обвинител и полициски екипи и се преземаат мери за целосно расветлување на настанот, информира портпаролот на СВР Охрид, Стефан Димоски.

Со цел да се покаже достојна почит и внимание кон сите жени во нашата заедница, Општина Охрид заедно со Комисијата за еднакви можности помеѓу мажите и жените при Советот на Општина Охрид, го организираа настанот Жените во фокусот.

Непостоењето на Стратегија за искористување на туристичкиот потенцијал со иницијативи и цели за развој на туризмот и лошата патна инфраструктура до охридско струшката ривиеара негативно се одразува врз туристичката дејност. Ова е заклучокот од денешната средба на Елена Петрова, дополнителен заменик-министер за финансии во техничката Влада со претставници на туристичкиот сектор од Охрид.  Станало збор и за можноста за формирање Министерство за туризам како подобро би се решавале напластените проблеми во оваа дејност.