Огромен интерес на основците од градов, средното образование да го продолжат во електромашинскиот училишен центар „Св. Наум Охридски“ од Охрид. Во третиот уписен рок во месец јуни се запишани 216 ученици за образовната 2022/2023 учебна година. Најголем е интересот за насоката Техничар за индустриска мехаторника, каде беа пријавени 32 ученици, а се запишаа само 23.

Паркот беше исчистен од камења, комунален отпад и др. Беа исфарбани и стубчињата во црвена боја и беше отстранета старата дотраена боја. 

Македонскиот работник работи во небезбедни, нечовечни и нездрави услови. Најкритично е во текстилниот сектор, потоа следува преработувачката индустрија, градежништвото, па земјоделието. Ова се податоците од последната студија на Македонското здружение за заштита при работа, според кои во земјава има тренд на зголемување на бројот на несреќи на работното место, како и оние кои се со смртен исход.

Општина Дебрца ги повикува сите даночни обврзници должници по основ на данок на имот и комунална такса, да ги подмират своите обврски. Градоначалникот Ногачески информира дека доколку физичките и правни лица обврските не ги подмират во примерниот рок, ќе се пристапи кон присилна наплата.

ЈП „Градски Пазар“ објави Оглас за прибирање на пријави за издавање на простор за поставување мобична опрема за продажба на пченки.

Блок тарифите ќе важат само за скапата струја, а за евтината нема да има блок тарифи и потрошувачката ќе се плаќа врз основа на разлика.

ЈП „Водовод“ Охрид упатува апел до сите корисници да не се злоупотребува водата од водоводната мрежа, за наводнување на земјоделските насади.

ССМ не отстапува од барањето за зголемување на платите во јавниот сектор. Велат притисокот од инфлацијата и поскапувањето на сите производи, енергенси, деривати ја обезвредни платата на работниците. Работникот не може да преживее со минимална плата од 18.000 денари. Минималната синдикална потрошувачка кошница во кризата месечно се зголемува за 1.300 денари.