Општина Охрид подготви богата музичка програма за прослава на Новата 2022 година, на која ќе настапат бројни домашни естрадни уметници.

Службите на „Охридски Комуналец“ и „Македонија пат“ ги исчистија локалните и на магистралните патни правци. Проодни се сите патни правци, а и патиштата во селата од општина Дебрца.

700 топли оброци за социјално ранливите граѓани во Охрид и Струга. Десет шефови готвачи од земјава денеска со поддршка на општина Струга и бизнис заедницата зготвија храна за сиромашните. Носител на идејата е стружанецот Никола Петрески, кој три пати неделно дели топли оброци на социјалните случаи. Со ковид пандемијата порасна бројот на сиромашни, од здруженијата на готвачи повикуваат иницијативата да се прошири во целата држава.

Министерството за животна средина и просторно планирање започна постапка за донесување на Нацрт на Закон за прогласување на Студенчишко Блато за парк за природата.

Се заканува исчезнување на книжарниците со продлабочување на економската криза во овие дејности. Од Конзорциумот на издавачки куќи, книжарници и печатници апелираат до Министерството за култура и Владата да се погрижат за книжарниците и книжарите.

Со одлука на градоначалникот Кирил Пецаков за ВД директор на ООУ „ Климент Охридски“ е именуван Јордан Пуроски кој доаѓа на местото на Наташа Танеска.

Без електрично напојување се шест села од Горна Дебрца и неколку од струшкиот регион. Нема дојави од жителите за поплави или излевање на водотоци, а патните правци се проодни. Исклучок е локалниот пат за струшка Малесија каде што има наврнато над половина метар снег и е прооден само за теренски возила.

Со одлука на градоначалникот, Кирил Пецаков, за ВД директор на ЈП „Водовод“ Охрид е поставен Марјан Ристески.