Во вчерашното издание на српскиот весник Политика, директорот на АППТ, д-р Љупчо Јаневски после две години прави осврт и споредба на движењето на туристичката индустрија од почетокот на пандемијата до сега. При самиот почеток на пандемијата со Ковид 19, Јаневски изјави за Политика дека треба да се гради заеднички, регионален пристап за да зацели туристичката индустрија. Две години подоцна, туризмот почнува да ги регистрира првите резултати и да закрепнува.

На 8-ми и 9-ти декември 2021 година на подрачјето на СВР Охрид извршени се засилени акциски сообраќајни контроли. Санкционирани се 55 возачи.

Пациентите со механичка потпора од Здружението „Храбро срце” сеуште чекаат ослободување од партиципација за здравствените услуги. Велат тоа е старо ветување од министерството за здравство и екс премиерот Заев, кое требаше да се исполни од почетокот на годинава, но за жал сеуште е неисполнето.

Димитар Велјаноски поднесе неотповиклива оставка од местото советник во Советот на Општина Охрид.

Охрид станува се попривлечен за Молдавските туристи. Во посета допатуваа 15 тур оператори од Молдавија кои ќе имаат средби со претставници од туристичкиот сектор. Од Агенцијата за поддршка и промоција на туризмот во претстојната сезона очекуваат поголем број туристи од државите од Источна Европа.

„Трудот на работниците мора да се почитува, особено во делот на унапредувањето на работничкиот статус и квалитетот на живеење во услови на економска и здравствена криза. Затоа Владата преку дијалог со работниците и работодавачите ќе ја зголеми минималната плата на 18.000 денари, а до крајот на мандатот на 20.000 денари“, рече министерката за труд и социјална политика Јованка Тренчевска во интервју за утринската програма на МРТВ.

Фотографијата ги зачувува од минливост моментите во времето. 50 такви секвенци уловени од објективот на 12 фотографи се дел од традиционалната изложба на Фото клуб Охрид во чест на празникот Св Климент Охридски. Членовите на клубот и годинава ја истакнаа потребата од простор каде ќе може да работат и да го едуцираат подмладокот на клубот.

Нашиот народ два пати го празнува споменот на свети Атанасиј Велики. На 31/18 јануари се празнува празникот Танасовден ‒ зимен, а на 15/2 мај Танасовден ‒ летен.