Од Државниот архив на република Северна Македонија, подрачно одделение Охрид информираат дека во тек се инфраструктурни зафати во зградата на охридскиот архив, за опремување на галериски простор на оваа установа.

Националната комисија на УНЕСКО на вторатa седница го разгледа Нацрт-извештајот за состојбата и напредокот во заштитата на природното и културното наследство на Охридскиот Регион за 2020 година, при што усвои Мислење упатено до Владата, во кое се вели дека Нацрт-извештајот е во насока на истакнување на заложбите на земјата која значително ги интензивираше своите активности за спроведување на Одлуката на Комитетот за светско наследство на УНЕСКО од седницата одржана во Баку во 2019 година и за исполнување на препораките на Реактивната мониторинг-мисија на УНЕСКО и советодавните тела ICOMOS и IUCN реализирана во 2017 година.

Од АМСМ информираат дека поради изведување на градежни активности (минирање) на патниот правец А2 Кичево-Охрид, на потегот Пресека-село Врбјани, утре ќе има прекин во сообраќајот од 30 минути, во периодот помеѓу 12:00 и 15:00 часот.

За утре среда со почеток во 12:00 часот, свикана е педесет и шестата седница на Советот на општина Охрид.

Заменик министерот за образование Арафат Шабани денеска во Охрид и Струга  разговараше со локалните самоуправи и компаниите во процесот на МОН заеднички да се креираат профили што ги бара пазарот на труд.  Профилите за коишто ќе се утврди потреба, ќе се отворат за запишување на ученици во средните стручни училишта во училишната 2021/2022 година.

Македонско здружение на млади правници  го тужат министерството за животна средина, покрај општината Струга и комуналното п-је дека на граѓаните им го повредиле правотo на здрава животна средина затоа што и понатаму се дозволува одлагање отпад на струшката дива депонија. Од Министерството за животна средина велат дека се запознаени со поднесената тужба и ја отфрлаат одговорноста.

Покрај тоа, во нашиот образовен систем недостасува организирана работа со овие ученици. Македонскиот образовен систем нема Национална стратегија за откривање и работа со надарени и талентирани ученици.

Охрид и понатаму е втор во Македонија по број на хоспитализации и активни случаи со COVID-19, веднаш после Скопје, а продолжува и трендот секојдневно да бележиме и нови позитивни случаи.