Православен календар: Спомен на Светиот свештеномаченик Доротеј, епископ Тирски.

Денес во Охрид температурите ќе бидат од минимални 14, до максимални 28 степени Целзиусови.

Високите температури ги полнат амбулантите во Специјализираната болница за кардиоваскуларни заболувања. Пациентите се жалат на тешко дишење, замор, главоболки, вртоглавици. Посебно се загрижувачки се огромните варијации на крвниот притисок и пореметувања на срцевиот ритам. Лицата со хронични заболувања, особено оние со кардиоваскуларни, треба да бидат особено дисциплинирани во следењето на препораките за заштита при високи температури.

Привршува санацијата на наколната населба во Градиште, најспосетуваниот музеј на брегот на Охридското Езеро. Локалитетот единствен од ваков вид на Балканот се уште е магнет за туристите.

За сите кандидати кои успешно ќе ја завршат обуката и се стекнат со звање спасител на вода Црвен крст Охрид ќе обезбеди платен работен ангажман како спасител на вода на соодветни капалишта на Охридското езеро.

Од СВР Охрид апелираат граѓаните кои се движат кон стрелиштето, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници.

Општина Охрид ја подготви Програмата за одбележување на 21-ви Јуни – Денот на Охридското Езеро.

Се замолуваат жителите од овој дел на градот да ги почитуваат времените мерки на сообраќај,  внимателно да се движат и сообраќаат во насока на поголема лична безбедност и непречено одвивање на активностите.