Изминатиот викенд во Париз беа одржани неколку манифестации посветени на ликот и делото на големиот македонски онколог и научник д-р. Анастас Коцарев, по повод 133-годишнината од неговото раѓање и 92-годишнината од упокојувањето.

Фондот за пензиското и инвалидското осигурување е задолжен да ги достави податоците за пензиите до деловните банки најдоцна до 27-ми март.

Времето е погодно за резидба на виновата лоза и овошките, за отстранување на старите, слаби, неразвиени и болни изданоци (гранчиња), но и за засадување нови лозја.

Приведен е 34-годишен охриѓанец кај кого полицијата пронашла марихуана. Против него ќе биде поднесена соодветна пријава.

Полициските службеници затекнале 7 возачи кои управувале моторни возила под дејство на алкохол (Охрид-03, Струга-01, Кичево-03).

Се започна со обележување на пешачката патека крај каналот Студенчишта, а наредните денови се продолжува со останатите патеки, вели Пецаков.

Кампањата „МВР за граѓаните – заедница, доверба, одговорност”, ќе се реализира и во следните четири викенди, на подрачјето што го покрива СВР Охрид.

Справувањето со дивоградбите ќе биде долг, тежок, болен и скап процес, а не е ниту започнат. Мерки и активности има, и тоа итни, но само на хартија. Недостига волја за нивно суштинско спроведување, велат еколошки организации. Справувањето со неконтролираната урбанизација и отстранување на дивоградбите во заштитеното подрачје се едни од клучните препораки за задржување на УНЕСКО статусот на Охридскиот регион. За невладините регионот де факто е светско наследство во опасност. Останува тоа да го официјализира Комитетот за светско наследство на својата следна 45 седница во септември, со што конечно ќе се согласи со сопствените експерти и советодавни тела, кои со години гледаат мал или никаков напредок во исполнување на итните препораки.