Денес се одржа консултативна работилница по Нацрт планот за управување со Споменикот на природата Охридско Езеро. Градоначалникот на Охрид Кирил Пецаков вели дека од нашите стратешки определби и преземени активности зависи зачувувањето на извонредните природни вредности и био-диверзитетот на Охридското Езеро, додека Зоран Ногачески градоначалникот на Општина Дебрца се надева дека овој документ нема да остане само мртво слово на хартија.

На Сатеска нелегално изграден насип за механизацијата, која работи на автопатот Охрид Кичево. Речното корито е затрупано нема проток на вода. Жителите стравуваат од поплави и бараат отстранување на браната.

Контролите на сообраќајните инспектори покажале дека охридските таксисти ги почитуваат сообраќајните прописи и протоколи. Тоа не е случај со струшките таксисти.

Од нив 20 тина се со потешка клиничка слика. На кислородна поддршка се 40 пациенти, а дневно се трошат и по 50 боци кислород.

Општина Охрид упатува апел и молба до граѓаните на општината да ги редуцираат своите активности во просториите на општинската зграда и своите контакти со службите на општината да ги остваруваат телефонски или електронски. Активните телефонски линии и електронските адреси на одделенијата и секторите од општината се достапни на општинската веб страница.

Во текот на изминатото деноноќие (23/24.11.2020 година) на територијата на Република Северна Македонија, по однос на мерката за носење лична заштита на лице, регистрирани се 615 прекршоци.

Основното јавно обвинителство Охрид оформи предмет во врска со списоците со имиња на граѓани од Охрид, позитивни на КОВИД-19 кои се споделуваат на социјалните мрежи.

Државна матура од 29 мај до 14 јуни, информатика и географија првпат во листата на изборни предмети.