Градоначалникот Константин Георгиески го известил министерот за здравство Филипче дека е подготвен да дежура и заедно со колегите од јавното здравство да се грижи за пациентите со Ковид  на Инфективното одделение во охридската болница. Поради зголемениот број на заболени со корона вирусот притисокот врз болничките капацитетите се зголемува, а медицинскиот персонал е преморен.  Министерот ги повика интернистите од приватните ординации да се стават на располагање на државата.

Во текот на изминатото деноноќие (29/30.10.2020) на територијата на Република Северна Македонија, по однос на мерката за носење лична заштита на лице, регистрирани се 928 прекршоци.

Екипите на ЈП „Водовод“, денеска започнаа работни активности за поставување на нова водоводна линија на улицата „Спас Банџов“.Според планираното, старата и дотраена водоводна инсталација ќе биде заменета со нова во должина од 171 метар со цевки со димензии ф110мм, ф63мм и ф25мм.

Дебарско – кичевската епархија ги известува своите православни верници дека на 31. oктомври 2020 (сабота), во манастирот „Св. Наум Охридски“ – Охрид, по повод празникот „Св. ап. и ев. Лука и св. Константин Кавасила“, со почеток во 8:45 часот ќе се служи света архиерејска литургија.

Министерот за локална самоуправа Горан Милевски ги повика градоначалниците да аплицираат со проекти на повикот  „ЕУ за општините“. Европската Унија обезбеди и дополнителни милион евра за техничка подготовка на општините за аплицирање.

По повод 8-ми Декември – “Св.Климент Охридски”, Советот на општина Охрид распишува Конкурс за доделување Повелба – Патрон на градот “Св.Климент Охридски” за 2021 година.

За непочитување  на  измените во законот за заштита на населението од заразни болести казните се до 30.000 денари. Од СВР Охрид најавуваат засилени контроли.