Секторот за внатрешни работи Охрид синоќа ја реализираше превентивната кампања „Соседска патрола“.

Промоцијата на двете нови книги на авторките Енис Хилми и Тина Иванова ќе се одржи во Ликвид кафе со почеток во 19:30 часот.

Дневните температури во Охрид ќе бидат во интервал од 13 до 31 степен Целзиусов. УВ индексот ќе има вредност 9.

Извештајот за Стратегиска оцена на влијанието на животната средина е изложен во Одделението за планирање и управување со заштитени подрачја и други заштитени делови од природата, Општина Охрид, секој работен ден од 7:30 – 15:30 часот почнувајќи од 18.07.2025 год. до 17.08.2025 год.

Специјализираната болница за ортопедија и трауматологија „Свети Еразмо“ доби вредна донација во медицинска опрема и апарати која е обезбедена од Швајцарија, со посредство на градоначалникот на Општина Охрид, Кирил Пецаков и неговите лични контакти со македонски иселеници. Менаџерскиот тим на болницата изрази голема благодарност до градоначалникот Пецаков за неговиот ангажман и иницијативата за реализација на оваа донација. Оттаму истакнаа дека опремата е од исклучително значење за оваа здравствена установа и истата значително ќе ги подобри условите и за пациентите и за здравствените работници.

Во насока на подобрување на јавната безбедност и подигнување на свеста и совеста кај возачите за користење на обележани паркинг простори како и во насока на намалување на кражби на плажи, отсекот за превенција при СВР Охрид, ги спроведува превентивно-едукативните кампањи „Паркирај совесно“ и „Заштити се од кражби на плажа“.

Од најновиот билтен на СВР Охрид.

Православен календар: Спомен на Преподобен Атанасиј Атонски.