Се сруши дел од коловозот на улицата Славеј Планина поради градење нова зграда. Жителите месеци наназад бараат стопирање на изградбата на станбениот објект на приватен инвеститор поради штетите кои настануваат на куќите околу градилиштето.  Од Општината велат дека по итна постапка ќе се утврдувале пропустите и ќе се санирала штетата.

Повик до родителите и  полуматурантите да не се организираат традиционалните прослави по повoд завршувањето на основното образование.  Ова го побараа Активот на директори  од сите општински основни школи. Жалат што  ќе изостане прославата на полуматурата, но  им порачаа  дека ќе имаат  можности понатака во животот за уште поголеми прослави. Сега  во време на епидемија со Ковид 19 е потребно да се спречи ширењето на болеста и  да надвладее разумот над емоциите.

ЈП Водовод – Охрид од денеска започнува со репрограмирање на долговите на корисниците (физички и правни лица) на услугите на претпријатието, како дел од мерките за справување со економските последици настанати од корона вирусот.

Исчистија дел од подводното крајбрежје на плажа  во Свети Стефан. При тоа извадиле големи количини отпад и предмети кои ги користат луѓето. Од Акватек апелираат до сопствениците на рестораните пред плажите, да организираат  подводно чистење на капалиштата. 

Денес има регистрирани 10 нови случаи на ковид 19. Пет од позитивните лица  се поврзани со кластерот од семејната прослава на новороденче. Се работи на откривање и изолација на контактите за   останатите  случаи. 

Во изминативе 24 часа во земјава се евидентирани 495 нови случаи на заразени со ковид-19 од направени вкупно 4.145 тестирања, соопштија денеска од Министерство за здравство.

Во моментов се пет хоспитализирани лица на инфективното одделение на различна возраст. Ние ги примаме полесните случаи кои досега ги транспортиравме во Битола, потешките случаи ќе се испраќаат на Инфективната Клиника во Скопје. Капацитетот на охридската болница е лекување на 18 пациенти, вели директорот Горан Балевски.

Откажани се сите резервации се до март 2021 година. Најголемата криза сеочекува во септември, кога ќе има масовни отпуштања од работа.