Во организација на секторот за Туризам и локален економски развој при Општина Охрид започнаа активностите за практични обуки на тема вклучување на локалните жители во креирање на туристичката понуда и сегментот на агротуризам и стандарди во агротуризмот.

Општина Охрид изготви „Студија за валоризација на просторот на Студенчишко блато заради негово прогласување за заштитено подрачје“.

Директорот на Охридски комуналец вели  Мауцкер е засега единственото решение за одлагање на градежниот шут од секојдневните  градежни активности во градот.

Објавен е тендер за избор на економски оператор кој треба да  изработи стратешки насоки со кои градот треба да избира каков туризам ќе развива масовен или елитен. Во документот ќе биде вклучена  и неодамна изработената научна анализа  за економскиот импакт на туризмот во општина Охрид кој го изготвија експерти од Факултетот за туризам и угостителство.  

Општина Дебрца започна со реконструкција во ЕКО Музеј – Белчишко Блато „Сини вирој“ на старата зграда – касарна во село Белчишта.

Екипи на ЈП „Нискоградба“ работат на поставување на фекална канализација околу СОСУ „Св. Кирил и Методиј“. Се поставуваат цевки со дијаметар Ф 200 во должина од 85 метри и 5 шахти. Доколку дозволат временските услови  проектот се очекува да заврши за 10-ина дена.

На 14/15.01.2022 година од 20 до 03 часот, при извршени засилени сообраќајни контроли, полициските службеници затекнале 08 возачи кои, управувале моторни возила под дејство на алкохол (Охрид-06, Струга-02).

Компанијата Нула Отпад ДОО редовно врши собирање на батерии, електронски и електричен отпад. Охриѓани соработуваат со компанијата, но секогаш има можност за поголема соработка, инфомираат од Нула отпад.