Градоначалникот Пецаков им се заблагодари на претставниците на министерството за досегашната соработка и изрази надеж дека и во иднина ќе може да се имплементираат слични заеднички проекти.

Јавните комунални претпријатија во Охрид ќе се подноват со нова опрема. Преку проект на Центарот за развој на Југозападниот плански регион ќе се набавува камион кипер за ЈП Водовод и два трактори со опрема за ЈП Комуналец и Нискоградба. Целта е обновување на застарената опрема и поголема ефикасност на јавните претпријатија, зголемување на квалитетот на работата и намалување на трошоците.

Хотелите кои користат техничка вода, а немаат водомер, инвеститорите при градба на објекти, како и автоперални ќе плаќаат надоместок на ЈП „Нискоградба“. Ќе се фактурира паушал за кубици испуштена вода во канализациониот систем, врз основа на пресметки од хидроинженери за минималниот и максималниот испуст на вода во текот на еден месец и една година.

Сезер Акин сака да ја разбуди љубовта кон ботаниката кај луѓето со садење на билки на балконите и терасите. Вредниот производител на органска храна подготвил и земјени топчиња со семе од цвеќиња кои ќе бидат расеани низ природата.

Вредноста на реконструкцијата на санитарните јазли изнесува 1 313 600 денари, додека вредноста за реконструкција на електричната инсталација изнесува 824 188 денари.

Со изложба на ликовни дела на уметници од колекцијата на НУ Центар за култура „Григор Прличев“ ќе започнат годинешните „Прличеви беседи“.

Охрид, македонскиот бисер и македонскиот туристички и културен центар ќе биде воздушно поврзан со Белград четири пати во неделата, односно секој понеделник, среда, петок и сабота, од 5-ти јуни 2023 година.

Православните христијани денеска го празнуваат споменот на Свети Атанасиј Велики, познат како Танасовден зимен.