Во охридското стопанство секторот туризам учествува со мал  процент во вкупниот број на  вработувања и остварени приходи. Ова се дел од економските  истржувања за поединечните стопански  гранки  направени од  Факулетот за туризам и угостителство пред 3 години. Општина Охрид, сега  нарача ново истражување од која се очекува економската слика за импактот на туризмот во локалното стопанството. 

Одделението за заштита и влијание врз животната средина при општина Охрид која како пилот општина согласно проектните активности на „ЕУ INTERREG Balkanmed AIRTHINGS“ проектот или „Ефикасно користење на новите технологии за чист атмосферски воздух“ заврши со поставувањето на 11 сензори на различни локации на јавни институции за следење на еколошки параметри, како и поставување/инсталирање на 15 филтри на оџаците на  домаќинства во населбата Кошишта кои користат цврст енергенс за затоплување на своите домови.

Изборниот процес на денешните Локални избори во општините Охрид и Дебрца се одвива непречено и во демократска атмосфера, на сите гласачки места.

 Со обновата на санитарните јазли, училниците и училишниот двор се создадени подобри услови за основците од ова основно училиште. Средствата се обезбедени од проекти преку Усаид и Локалната самоуправа.  

По напрвениот увид во состојбата на колекторскиот систем во охридско-струшкиот регион, премиерот Зоран Заев објави дека стартуваат активностите на санација на колекторскиот систем во охридско-струшкиот регион за прочистување од наслагите и корењата од дрвјата и рехабилитација на цевководот на истиот.

Општина Дебрца започна со интензивно расчистување на дивите депонии, со што ќе бидат опфатени сите јавни простори во општината, натрупани со комунален и друг вид на отпад и градежен шут.

По вчерашниот немил настан чиј епилог е едно угинато куче од трите затруени со високо токсичен отров, денеска од ОК на ВМРО ДПМНЕ повикаа на брза реакција на надлежните за пронаоѓање на сторителите но побараа и одговорност од локалната самоуправа за справување со проблемот со бездомни кучиња. Градоначалникот Георгиески, пак преку социјалните мрежи порача дека процесот на создавање услови за решавање на проблемот е во завршна фаза. Тој истовремено изрази сомнеж дека позади вчерашното труење стои некој кој со нехумани и валкани постапки, сака да го наруши неговиот и угледот на Охрид.

Депонијата Буково  од која подолго време се издига чад во моментов ја одржува ЈП Охридски Комуналец. Од претпријатието со нивна машина ја покриваат депонијата со земја.