Дебарско – кичевската епархија ги известува своите православни верници дека на 30. Септември 2019 година (понеделник), во катедралната црква „Света Софија“ – Охрид, со почеток во 09:00 часот, ќе се служи света архиерејска литургија по повод празникот „Св.мч-ки Вера, Надеж и Љубов и мајка им Софија“. 

Специјализираната болница за кардиоваскуларни заболувања од Охрид и оваа година  е носител на активностите за одбележување на „Светскиот ден на срцето“ во нашиот град.

Министрите за земјоделство на Република Северна Македонија и Република Албанија денеска во Тирана ги разгледаат можностите за контролирано изловување охридска пастрмка од двете страни на границата.

Работите конечно тргнаа од мртва точка и се постапува по напластените проблеми со дивоградбите за кои не се постапувало според законот од 2003 година навака.  Јавноста и општината да знаат дека ова ќе биде битка која ќе трае со години и не се решава за неколку дена, порача  Георгиески за моменталните постапки кои се водат за рушење на дивоградбите во Охрид.  

 Младите охриѓани од основните и средните училишта испратија порака за соживот,  толеранција и разбирање.  Годинава младите од Црвен крст во рамки на програмата за хумани вредности реализирале 8 проекти  со што помогнале на голем број наши сограѓани.   35 активисти  од Програмата ПХВ добија  благодарници.

Десеттина културно  уметнички друштва од земјава ќе настапат со својот староградски мелос. Средбите се одржуваат по 31 -ви пат во Центарот за култура Григор Прличев, а влезот за посетителите е слободен.

Времето денеска во Охрид облачно и студено со врнежи од дожд, кои на места ќе бидат пообилни (над 20 л/м2), проследени со засилен северен ветер. На планините на северозапад врнежите ќе бидат од снег и ќе се формира снежна покривка од 10 до 15 см.

Локалната власт прави фарса од уривањето и спречувањето изградба на нови дивоградби со тоа што за неа се незабележливи дивоградбите во заштитеното подрачје, обвинија денес на прес конференција од општинскиот комитет на ВМРО ДПМНЕ од Охрид.