Со ребалансот на Буџетот за 2019 година Владата на Република Северна Македонија ќе издвои, 183 милиони денари за Колекторскиот систем за заштита на Охридското Езеро согласно потребите за УНЕСКО и природните потреби за заштита на Охридското Езеро.

Рушење на атрактивни платформи на угостителски објектна езерото  ќе предизвика непроценлива  штета врз туризмот и економијата, сметаат дел од угостителите.  Иако станува збор за дивоградби ,  општината требало да изнајде начин да им ги легализира затоа што немале штетно влијание врз природата а угостителите ги плаќале сите давачки кон државата.

Синоќа во 93тата година од животот , почина Милица Марковска, професор по историја во пензија и истакната граѓанка на Охрид, носителка на ордени, медали и награди за својата педагошка работа и општествени активности.

Општината ќе издава концесии за плажи на крајбрежјето според планот за управување со Охридското крајбрежје. Приоритет на Локалната самоуправа е да работи и понатаму на имплементација на препораките на Унеско за да се зачува загрозениот статус на Охридскиот регион.

По успешната прва реализација на програмата „Млади лидери создаваат иднина“, Црвен крст Охрид најавува нов циклус на спроведување на оваа програма за млади.

Поради постоење основи на сомнение за сторено кривично дело „загрозување на сигурноста”, ОВР Струга поднесе кривична пријава против Н.Т.(33) од селото Мешеишта, општина Дебрца.

Министерството за труд и социјална политика соопштува дека согласно со Законот за празниците на Република Македонија („Службен  весник на РМ“ бр.21/98 и 18/07), 8 септември 2019 година (недела), Денот на независноста, односно 9 септември 2019 година (понеделник) е неработен ден за сите граѓани на Република Северна Македонија.

Во организација на амбасадата на Република Полска во Република Северна Македонија, синоќа во Центарот за култура „ Григор Прличев“ беше отворена изложбата „Борба и страдање-Полските граѓани за време на Втората светска војна“.