Владата на последната седница ги задолжи сите органи на државната управа на своите интернет страници, да објават линкови од објавените годишни планови за јавни набавки. Владата оваа постапка за транспарентност на јавните набавки им ја препорачува и на единиците на локалната самоуправа.

Советникот од ДУИ Нефи Усеини изгради дивоградба на државно земјиште  во заштитено градско јадро и никој од општината не го сопре. Сега истиот тој дрско се пријави на тендерот за рушење дивоградби, обвинија денеска од ВМРО ДПМНЕ. Портпаролот Стоилковски се осврна и на носењето на Законот за управување со природното и културното наследство на Охридскиот регион.

Антикорупциска денеска со укажување дека фирмата НЕФИ ИК на советникот Усеини или во сопственост на негови блиски лица не смее да добива тендери од Општина Охрид. Од локалната не потврдуваат дали една од двете фирми кои се пријавиле на тендерот за рушење дивоградбии е на советникот од ДУИ. Но доколку на електронската аукција го добие тендерот договорот ќе биде ништовен, велат од антикорупциска.

Продолжуваме да работиме на подобрување на условите во градинките и училиштата, бидејќи воспитувањето и образованието на децата се најважните работи во едно општество, кажа кандидатката за член на градскиот совет од СДСМ и Коалицијата, Живка Ангелоска.

Со  неговиот  резултат од Шведска постигна историски успех пласирајќи се во финале на Европското првенство.  Јован Стојоски дојде од клубот Цревен ѕвезда од Белград и ги мотивира останатите охридски атлетичари да не заминат. Клубот нема тренер и бара спонзор кој  нема да дозволи  клубот да згасне.   

Дивите продавачи на бостан и ова лето со камиони доаѓаат и се лоцираат на разни места низ градот продавајќи ги своите производи на диво, во несоодветни хигиенски услови и најчесто без фискална сметка. Од Локалната велат дека Комуналниот инспекторат во соработка со полицијата и пазарната инспекција минатава недела излегле на терен и имаат намера да стават крај на оваа појава.

Црвен крст Охрид ќе биде дел од кампањата за подигнување на јавната свест и освежување на знаењата кај возачите за давање прва помош.

Рокот за пријaвување е до 30 септември. Од Агенцијата за супервизија на капитално финансирано пензиско осигурување – МАПАС информираат дека тоа важи за доброволните членови родени пред први јануари 1967 годинa.