Веќе една недела на диво се гради минаре без градежна дозвола, без статички проект на диво, обвинија денеска од Здружението на граѓани Совест. Тие две години бараат да се стопира проектот и да се преиспита одлуката за изградбата на 32 метри високото минаре на Али пашината џамија во охридската чаршија,  кое ќе ја наруши визурата на градот.

Во охридското здравство нормално функционираат најновите измени во закажување на упатите за лекување на пациентите. Со тоа се надминуваат некои слабости од минатото, а и вчерашните проблеми со софтверскиот систем се надминати, информираат од охридското здружение на матични лекари.

Поради постоење основи на сомнение за сторено кривично дело „незаконит лов”, СВР Охрид поднесе кривична пријава против П.Д.(66) од охридското село Долно Лакочереј и С.С.(64) од селото Лескоец.

Од ВМРОДПМНЕ со обвинување дека намесо долгорочно решение, директорот на Охридски Комуналец го презентирал само новиот возен парк. Директорот на Јавното претпријатие пак одоговори дека овој немил настан немало да се случи, доколку учинокот на претходната локалната власт во решавање на овој проблем не беше нула.

Црвен крст Охрид во соработка со Американскиот мировен корпус во Македонија започнува нова програма „Млади лидери создаваат иднина“ наменета за ученици од прва, втора и трета година средно образование.

Во  11 часот пред  спомен обележјето кај неговата  родна куќа во стариот дел на Охрид  ќе  биде положено свежо цвеќе. Точно напладне во просториите на државниот архив во Охрид ќе биде одржан историски час и запознавање со историскиот материјал за Марко Бошнаков.

Деновиве ќе започне реконструкцијата на кружниот тек на пресекот на улиците „Јане Сандански“ и „Питу Гули“. Завршена е тендерската постапка, склучен е и договорот со изведувачот, се чека само да се подобрат временските услови.

Охрид ќе добие нов спортски објект. Неодамна беа ставени темелите за изградба на спортска сала во ОЕМУЦ Св. Наум Охродски. Овој проект кој долги години наназад беше најавен, конечно ќе се реализира. Спортската сала ќе се гради на локацијата каде сега е спортското игралиште. Изведувач е ГП „Гранит“ и работите треба да завршат за седум месеци.