Велгоштанец физички нападнал жител на Свиништа во близина на деловен објект во селото Косел, информираат од СВР.

Средствата за реконструкција на училишната зграда во Оровник во износ од 587.300 илјади денари се обезбедени од Буџетот на општина Дебрца.

Приведен 23-годишен жител на Косел. При претрес во неговиот дом, полициски службеници од СВР Охрид пронашле кокаин.

Подетални информации на отворениот ден за Бреинобреин програмата во сабота од 10 – 12 ч. во просториите на Црвен крст Охрид.

Педесет првачиња од основните училишта во Охрид опремени со ранци и училишни комплети во рамки на донацијата Даруваме радост за првачиња, организирана од Црвен Крст Охрид, годинава поддржана од компанијата ПН Метал.

Доцни изградбата на патиштата во Југозападниот регион во земјава. Не e ставен во функција делот од автопатот Кичево-Охрид кај село Требеништа, кој беше најавен за август годинава. Од министерството за транспорт, велат ги завршиле сите потребни постапки, но изведувачот доцни. Иста е состојбата и на патниот правец од Извор до Дебар. Оваа делница требаше да биде завршена во 2015 година, но градежните работи и таму доцнат.

На денешната седница помина годишниот план за вработување на ЈП „Билјанини извори“ за 2023 година. Планот предвидува 14 работни места на што реагираше координаторката на опозицијата, плановите за вработувања во јавните претпријатија во услови на криза да бидат поскромни. Директорот на јавното претпријатие со објаснување дека не станува збор за нови вработувања.

Инвеститори кои сакаат да вложуваат во изградба на фотоволтаични електрани во охридско, се откажуваат од намерата поради ограничување од Планот за управување со природното и културното наследство на охридскиот регион. Денеска советниците изгласаа одлука со која од планот се изземаат парцели вон опфат на урбанистички план на кои би се поставувале фотоволтаични системи. Со тоа Општина Охрид ќе фати чекор со остатокот на државава каде по 2019 година со измените на законот за енергетика се изградија стотици фотоволтаични електрани.