Јавното претпријатие „Нискоградба“ работи на уредување на тротоарските површини и атмосферска канализација на кружниот тек на Бул. „Туристичка“ и улицата „Стив Наумов“.

Општина Охрид втора година последователно има најдобри резултати и се наоѓа на првото место во рамки на мерењето на Индексот на отвореност на општините за 2021 година како дел oд Проектот на УСАИД за граѓанско учество.

Охридските  и струшките хотелски сместувачки објекти најавуваат одлична посетеност за престојните новогодишни празници. Речиси сите капацитети се веќе закупени, традиционално најбројни и оваа година се гостите од соседните држави, но ќе има и гости од западноевропските земји.

Константин Георгиески ќе ја обавува должноста во следните месеци се до вонредните локални избори. Пред Советот на општина Охрид и граѓаните вети дека со тимот на поранешниот градоначалник Јован Стојаноски ќе ги продолжат започнатите проекти.

Поради смртта на градоначалникот Јован Стојаноски и престанок на функцијата, денес заврши законската постапка за избор на в.д градоначалник.

ЈП Билјанини Извори, поради веќе познатите причини, ја известува јавноста дека големата новогодишна забава за деца со наслов „Новогодишна детска бајка” која требаше да се реализира на ден 26 (среда) се откажува.

Викендов несовесни граѓани дивееле и вандалски се однесувале кон урбаната опрема, превртиле, искршиле и уништиле контејнери и корпи за смет, а отпадот го расфрлале насекаде по градскиот кеј и по улицата „Македонски Просветители“.  Директорот на „Комуналец“ вели дека станува збор за организирана акција и дека настанот е пријавен во СВР Охрид  од каде се чека да се преземат соодветни мерки.

Вработените од националниот парк Галичица се собраа на мирен протест да го искажат незадоволството од најавата за смена на досегашниот в.д директор Андон Бојаџи. Стравуваат дека со таа одлука ќе се загрози започнатиот успешен развој на установата со смена на способниот  менаџер. Најавуваат постапка за преиспитување на владината одлука дали е таа законска.