По повод празникот Курбан Бајрам, градоначалникот на Охрид Кирил Пецаков до своите сограѓани од исламска вероисповед упати честитка со желби за добро здравје, љубов и благосостојба во домовите.
„Меѓусебното почитување без разлика на верската, етничката или која и да било друга припадност отсекогаш го краселе ова општество и затоа на овие празнични денови се радуваме сите заедно. Курбан Бајрам нè потсетува дека сите неволји можеме заеднички да ги совладаме како и досега – во духот на вековната традиција на соживот. Ние како локална власт и понатаму посветено ќе работиме со цел да обезбедиме подобри услови за живот, развој и напредок на секој поединец целејќи кон развиен и просперитетен Охрид.“ – се вели во честитката од градоначалникот.
