©2008 - Сите права се задржани. Powered by TVM.


Општина охрид

Пецаков на средба со зам. Амбасадорот на Австралија

На средбата се разговараше за интензивирање на соработката, особено со збратимениот град Волонгог и со Квинбејан со кого Охрид има потпишано протокол за соработка.
 |  инфодеск  | 
Заменик амбасадор на Австралија

Заменик амбасадорот на Австралија во Амбасадата во Белград, што ја покрива и Македонија, Филип Андерсон заедно со почесниот конзул на Австралија во Македонија, Зоран Костовски остварија протоколарна средба со градоначалникот на Охрид, Кирил Пецаков.

На средбата разговараа за интензивирање на соработката, особено со збратимениот град Волонгог и со Квинбејан со кого Охрид има потпишано протокол за соработка. Заменик амбасадорот изрази задоволство да учествува во процесот на интензивирање на комуникацијата и соработката.

Градоначалникот Пецаков, ги запозна гостите со културно – историските знаменитости на градот и со богатата историја со што се отвора поле за соработка во повеќе области помеѓу Охрид и Австралија.

Заменик амбасадор на Австралија

Заменик амбасадорот Андерсон го увери градоначалникот дека е заинтересиран да придонесе во развој на соработката во бизнис сферата, образованието и туризмот, со оглед на фактот дека во охридскиот регион има многу бизнисмени повратници од Австралија, но и жители од регионот кои мигрирале во Австралија. Како идеја произлезе отворањето на канцеларија за комуникација и соработка со Австралија која би се отворила во Охрид.

Градоначалникот и Заменик амбасадорот се обврзаа активно да учествуваат во стимулирањето на невладините организации од Охрид што помасовно да испраќаат проекти за финансирање на повикот што во следниот период ќе го објави Амбасадата.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top