Кандидатот за Градоначалник на Охрид од ВМРО ДПМНЕ Кирил Пецаков, објави фотографија од неговиот план за реконструкција на плоштадот Чинар – „Крушевска република“.
Плоштадот „Крушевска Република“ има да добие нов и модерен изглед, а со тоа граѓаните и туристите добиваат ново уредено катче. На плоштадот му е потребно дополнително уредување, треба да се постават канделабри и тој да биде осветлен со лед светилки, да се изгради фонтана, да се постават садници и клупи, канти за отпадоци и друга урбана опрема во склоп на плоштадот. Охрид заслужува да биде квалитетно место за живеење, со убаво уредени места каде што ќе се одржуваат познати културни и музички манифестации, како и места каде што охриѓани и туристите ќе можат да го поминуваат своето слободно време, да се релаксираат, разговараат и одмараат, напиша Пецаков на својот Фејсбук профил.
