Градоначалникот на Охрид, Кирил Пецаков упати честитка по повод 24 јуни, денот на Балканските Египќани.
-Упатувам искрени честитки до сите наши сограѓани од заедницата на Балканските Египќани по повод 24 јуни – Меѓународниот ден на Балканските Египќани. Нека овој празник биде потсетник дека различностите не прават посилни и побогати. Вашата традиција и култура се важен дел од духот на Охрид и се вградени цврсто во мултикултурниот мозаик на македонското општество. И во иднина, како и до сега, да продолжиме да го негуваме нашето пријателство и искрена соработка, градејќи соживот исполнет со разбирање, доверба и праведни можности за сите, стои во честитката на градоначалникот.
