Трето оштетување на бугарскиот клуб во Охрид, овој пат со оружје.
Синоќа во 19:12 часот во СВР Охрид пријавено е оштетување на стакло на канцеларијата на здружението „Цар Борис Трети“ лоцирана на бул. „Македонски Просветители“ во ТЦ Амам во Охрид.
Полициски екипи при СВР Охрид излегоа на местото на настанот при што утврдено е дека на стаклото од надворешната врата и стаклото од излогот на канцеларијата има две оштетувања направени од оружје. За настанот известен е Јавен Обвинител од ОЈО Охрид по чии насоки се преземаат мерки за расчистување на настанот – информира портпаролот на СРВ Охрид Стефан Димоски.
