Се почесто незадоволство од работењето на градинката
Родителите стануваат се понезадоволни од работењето на детската градинка „Јасна Ристеска“.
Родителите стануваат се понезадоволни од работењето на детската градинка „Јасна Ристеска“.
Реакциите се однесуваат и на продолжениот престој. „Просторот е тесен и мал е бројот на учителките, а некои од децата се често агресивни“ потеницраат некои родители.
Одговор на прашањето, кое се наметнува, дали ваквата состојба е резулатат на голем број вработени со договор на дело, побаравме од директорката Марина Тодороска Петровска.
Директорката на детската градинка ги отфрла ваквите забелешки. Вели задоволна е од работата на персоналот. Додава дека и покрај нерешениот статус секогаш може подобро да се работи. На нејзина адреса немало поплаки од родителите.
Тодороска Петроска објаснува дека во нивните установи се згрижени околу 660 деца од 6 месеци до 6 години. За нив се грижат 29 воспитувачки и 37 негувателки. Во продолжен престој пак престојуваат над 50-тина деца. За воспитно образовниот процес се грижат 4 наставници. Во трите детски јасли пак во моментов има околу 46 деца, а за секоја група се грижи по една негувателка и воспитувачка. Во моментов со нерешен статус во детската јавна установа „Јасна Ристеска“ се 26 вработени од сите профили. Иако министерот за труд и социјална политика Џељал Бајрами, при пуштањето на народната кујна во Охрид, минатиот месец, вети дека наскоро ќе се реши нивниот статус досега ништо од ветувањето. Во прилог на тоа оди и Владината одлука да нема нови вработувања до 1.1.2010 година.
{loadposition content9}