Oхридските алпинисти и планинари предупредуваат да не се користи регионалниот пат Охрид- Отешево до Корита кој води низ НП Галичица. Патот е опасен за посетителите иако на влезот има табла дека е прооден до 9 -от км до Корита, посочуваат тие. Напоменуваат дека овој патен правец со 1630 метри надморска височина е највисока точка во земјава. Често се јавува голомразица, ветровите може да ги пренесат снежните маси од една на друга страна и з а час да направат наноси од снег, браниците се дотраени или на места ги нема, а ЈП Македонија пат не го одржува правецот како што треба, наведува алпинистот Антонио Додовски од АК „Патагонија“.
„ Надлежните ово пат го имаат категоризирано од 3 категорија, не го одржуваат нема базна станица на ЈП Македонија пат и тие 9 км проодни се одржуваат во последнат фаза кога сите патишта ќе бидат расчистени и проодни , а често по обилните врнежи не е прооден.,“ кажува Додoвски за состојбите на овој патен правец.
Алпинистот Додовски подвлекува дека единствено решение посетителите патот да го користат бебедно е негово целосно и квалитетно одржување. За љубителите на природата во зима не е привлечно само Корита туку целата планина, напоменува Додовски.
„ Жално е што во атрактивниот национален парк нема услови ни планинараски дом, ни катче и ресторан д а се стоиплиме, семејствата да може да поиграат во снежни услови. Корита е атрактивна затоа што посетителите само до тоа место може да стигнат. Верувам дека атрактивноста не е изгубена туку желбатат кај луѓето е загубена да одат на планина“, вели Додовски.
Нашиот обид да добиеме одговор и од надлежните во ЈП „Македонија пат“ дали патот до Корита оваа зима ќе се одржува и дали е безбеден остана без успех. Но, со оглед на состојбите со нивната дотраена механизација со кој располагаат во регионалната секција во Охрид , по се изгледа треба да се почитува советот на алпинистите и планинарите. Во моментов на Корита има 5 цм снег и одрони на патот.
