Од Ј.П. ,,Охридски Комуналец” – Охрид информираат за дел сезонските активности за одржување на јавната хигиена кои ги извршија во изминатиот период.
–Согласно Програмата за работа за 2025 год., на плажата Горица 3 поставени се 10 канти со капацитет од 240 литри за депонирање на ситен отпад; На оваа јавна плажа дежурните екипи започнаа со секојдневно одржување на хигиената, а почнувајќи од месец јули ќе се постават канти и на плажите кои не се дадени под концесија на потег од Лагадин до Пештани. Темелно се чисти плочникот околу клупите и садовите за депонирање ситен отпад од тврдокорни остатоци на патеката од канал Студенчишта до Горица, велат во нивното соопштение.
